Nire enpresa sortu nahi dut: ekintzaileei laguntza zerbitzua

ZER DA? ZERTARAKO DA?

Enpresa bat sortzeko jarraitu beharreko pausuei buruzko informazioa eta hasierako aholkularitza ematen da. Horretaz gainera, ekintzailetza prozesuarekin jarraitzeko Astigarragako eta Beterri Buruntza eskualdeko baliabideez informatzen da:

Eskaintzen diren zerbitzuak:

• Aholkularitza. Bideragarritasun plana egiteko, forma juridikoak aukeratzeko, finantza baliabideen bilaketarako eta eraketa prozesurako. Beterri Buruntza Mankomunitateko ekintzailetza zerbitzuaren eskutik.
• Prestakuntza.
• Dirulaguntzei buruzko informazioa.
• Astigarragako lokal hutsei buruzko informazioa.

JELZ

NORK ESKA DEZAKE?

• Negozio bat sortzeko ideia bat duen Astigartarrak
• Negozio bat Astigarragan kokatu nahi duen edozein pertsonak, bere jatorria edozein dela ere.

AURKEZTU BEHARREKO AGIRIAK

• E002 Ordezkapen idatzia (hala badagokio)
• E122 Negozio bat sortzeko eta informazioa jasotzeko hitzordu eskaera

NON ESKATZEN DA?

Internet bidez:
• Gorago aipatzen diren AGIRI guztiak bete eta hasi online tramitazioa

Aurrez aurre, hitzordua eskatuta (pertsona fisikoak soilik):
• Erregistro bulegoa (Udaletxea)
  Foru Enparantza 13 20115 ASTIGARRAGA
  9:00 - 13:30
  943 335050
  

ZENBAT KOSTATZEN DA?

Ez du kosturik

PROZEDURAREN EPEA

• Aurreikusitako epea: 7 egun

ARAUDI APLIKAGARRIA

Ez dagokio

ESKAERA JASO ONDOREN JARRAITU BEHARREKO PROZEDURA

1. Eskaera bete eta erregistratu
2. Aurre aurreko hitzordua eduki.
3. Beterri Buruntzako ekintzailetza zerbitzura deribatu prestakuntza jasotzeko, bideragarritasun plana egiteko, aholkularitza jasotzeko, (interesik balego)
4. Astigarragako lokal hutsei buruzko informazioa:
5. Astigarragan ekiteko dirulaguntza eskatu.
6. Artxibatu.

NORK ONARTU BEHAR DU?

Ez dagokio

IZAPIDETZEKO ARDURA DUEN UDAL SAILA

Toki Garapena - Toki Garapena - 943 505700 - tokigarapena@astigarraga.eus

OHARRAK

Kontuan izan jarduera ekonomikoa burutzeko lokalean obra egin behar baduzu obra egiteko baimen eskaera egiteaz. Informazio gehiago.

Horretaz gainera, jarduera lizentzia eskatu beharko duzu.Informazio gehiago.

Hiri hondakinen kudeaketarako, informazioa. Poligonoetarako hondakinen bilketarako informazioa.

DATU PERTSONALEN BABESA

Eskatzailea jakinean geratzen da inprimaki honetako datu pertsonalak Astigarragako Udalak behar bezala baimendutako fitxeroetan sartuko dituela. Datu horiek udal kudeaketarako bakarrik erabiliko dira, baina beste administrazio publikoei edo besteri laga edo jakinarazi ahalko zaizkie abenduaren 5eko 3/2018 Lege Organikoan, Datu Pertsonalak Babesteari eta eskubide digitalak bermatzeari buruzkoan, aurreikusitako kasuetan. Interesdunek datuak eskuratzeko, ezeztatzeko, zuzentzeko eta aurka egiteko eskubidea erabili ahal izango dute Astigarragako Udalera zuzenduta.