Astigarragako
Udala
Egoitza elektronikoa
Fecha y hora Data eta ordu ofiziala:

Euskara ikasteko dirulaguntzak

ZER DA? ZERTARAKO DA?

2025-2026 ikasturtean edo 2026ko udan euskaltegi homologatu batean euskara ikasten edo hobetzen jardun duten astigartarrei Helduen Alfabetatze eta Berreuskalduntzerako Erakundeak (HABE) eman diezazkiekeen dirulaguntza osatzea eta 2026-2027 ikasturterako dirulaguntza aurreratzea ditu helburu dirulaguntza deialdiak.

Euskara ikasi edo hobetzeko 2025-26 ikasturteko ikastaroak, 2026ko udako ikastaroak eta 2026-27 ikasturteko ikastaroak lagunduko dira diruz.

NOIZ ESKA DAITEZKE?

2026ko urriaren 9ra arte.

NORK ESKA DEZAKE?

Pertsona fisikoek, ondoko baldintzen arabera:

  • Eskaera egiterakoan Astigarragan erroldatuta egotea edo, adin txikikoen kasuan, gurasoetako bat behintzat hala egotea.
  • Udalarekin zorrik ez izatea.
  • 16 urte beteta izatea eskaera egiten denean.
  • Gutxienez, eskolen % 85eko asistentzia edota ikasturtean, gutxienez, urrats bat gainditzea.
  • Aprobetxamendu ona izatea
  • Egin beharreko ebaluazio probak egitea.
  • HABEri dirulaguntza eskatzea, kasu hauetan:
    • HABEren komunikagarritasun-mailetako bat euskaltegiko eta autoikaskuntzarako zentro homologatuetako ebaluazioan gainditu dutenek.
    • HABEren egiatatze-deialdietan agiria eskuratu dutenek.
    • Maila horietako baten baliokidea lortu dutenek.
  • Euskaltegiko matrikula ordaintzea (dirulaguntza aurreratzea eskatu dutenek izan ezik), euskaltegiak ezarritako epearen barruan.
    • Dirulaguntza aurreratzea eskatzen dutenek, goian aipatutakoez gain, egoera ekonomiko zailean egotea frogatu beharko dute (horretako deialdiaren 6.oinarrian adierazitako dokumentuak aurkeztuta).
    • Ikasturte amaieran gainontzeko baldintzen agiriak aurkeztu beharko dituzte (asistentzia eta urratsak gainditzeari dagozkionak) eta hala egiten ez bada, edo baldintza horiek bete ez, edo behar bezala justifikatzen ez badira, edo Udalak arrazoiak ontzat ematen ez baditu, eskatzaileari hurrengo hiru urteetan mota honetako laguntzarik ez zaio onartuko.

AURKEZTU BEHARREKO AGIRIAK

  • Nortasun Agiriaren fotokopia.
  • Euskaltegiaren ziurtagiria. Ziurtagiri horrek ondoko informazioa jaso beharko du: bertaratze-portzentajea eta ikastaroaren hasierako eta bukaerako maila, ikaslea HABEren azterketetara aurkeztu den ala ez, eta, hala balitz, lortutako emaitza.
  • 2025-26ko ikastaroaren matrikula ordaindu izanaren ziurtagiria edo, dirulaguntza aurrez jasotzea eskatu bada, 2026-27 ikasturtean matrikulatu izanaren ziurtagiria.

Aurrekoaz gain, matrikularen % 100a jasotzea edota dirulaguntza aurrez jasotzea eskatu bada, kasuan kasu:

  • Gutxieneko diru-sarrera bermatzeko errenta jasotzen dela ziurtatzen duen agiri ofiziala edo 2025eko ekitaldiari dagokion errenta-aitorpena edo Aldundiaren ziurtagiria.
    • Bizitza unitateko kide guztien urteko errentak ez du gainditu beharko deialdian (6. oinarria) tarte bakoitzerako ezarritako zenbatekoa.
  • Langabezia ziurtagiria, matrikula ordainagiria (unibertsitateko edo lanbide heziketako ikasleek) edota jubilazio edo pentsiodun ziurtagiria.
  • Desgaitasun ziurtagiria, familia liburua (12 urte bitarteko haurren gurasoek edo legezko tutoreek) edo familia ugariaren txartela.
  • Merkatari edo hostalari gisa lan egiten dela ziurtatzen duen agiria.
  • Euskaltegiko maila-ziurtagiria edo azken hiru urteetan gainditutako mailen ziurtagiria.
  • Eskatzailearen erantzukizunpeko adierazpena, xede bererako eskatu edo jasotako beste dirulaguntzei buruzkoa.
  • Dirulaguntzen ordenantzaren 16. artikuluan eskatutako gainerakoak.

Udalak, eskatzaileak horretarako baimena emanez gero, NISAE elkarreragingarritasun-nodoaren bidez honakoak egiaztatuko ditu:

  • Foru Ogasuna - Zerga-betebeharrak ordainduta izatea.
  • Gizarte Segurantzaren Diruzaintza Orokorra – Gizarte Segurantzarekiko ordainketa-betebeharrak egunean izatea.

Eskatzaileak ez badio Udalari baimena ematen horiek zuzenean egiaztatzeko, dagokion ziurtagiri eta agiriak aurkeztu beharko ditu dirulaguntza eskaerarekin batera.

Izaera pertsonaleko datuak babestu eta erabiliko dira arlo horretako araudiak eta Dirulaguntzen Udal Ordenantzaren 16.4 artikuluari jarraiki.

NON ESKATZEN DA?

      Aurrez aurre (pertsona fisikoak soilik):
    • Erregistro bulegoa (Udaletxea)
      Foru Enparantza 13 20115 ASTIGARRAGA
      9:00 - 13:30
      943 335050

                ZENBAT KOSTATZEN DA?

                Ez du kosturik

                PROZEDURAREN EPEA

                • Aurreikusitako epea: Hilabete 1
                • Prozedura arrunta. Legezko gehienezko epea: 6 hilabete
                • Isiltasun-administratiboaren izaera: Aurkakoa

                ARAUDI APLIKAGARRIA

                ESKAERA JASO ONDOREN JARRAITU BEHARREKO PROZEDURA

                Laguntza-eskabideak sarrera-ordenaren arabera izapidetuko dira, sarrera data eta orduaren lehentasun-hurrenkera jarraituz, oinarri hauetan ezarritako baldintzak betetzen direla egiaztatu ondoren eta 2026 ekitaldiko udal aurrekontuaren araberako kreditu erabilgarria amaitu arte.

                Hamabost egun balioduneko epean – dirulaguntza emateko ebazpena jakinarazten denetik zenbatzen hasita –, berariaz eta idatziz dirulaguntzari uko egiten ez bazaio, dirulaguntza onartu egin dela ulertuko da, bai ebazpenean eta deialdiaren oinarrietan adierazitako baldintza ekonomikoei dagokienez, bai gainerako betekizun edo alderdi guztiei dagokienez.

                NORK ONARTU BEHAR DU?

                Alkateak edo Tokiko Gobernu Batzordeak

                IZAPIDETZEKO ARDURA DUEN UDAL SAILA

                Euskara eta Hezkuntza - Euskara - 943 331067 - euskaraetahezkuntza@astigarraga.eus

                OHARRAK

                DATU PERTSONALEN BABESA

                Eskatzailea jakinaren gainean geratzen da inprimaki honetako datu pertsonalak Astigarragako Udalak behar bezala baimendutako fitxeroetan sartuko dituela. Datu horiek udal kudeaketarako bakarrik erabiliko dira, baina beste administrazio publikoei edo besteri laga edo jakinarazi ahalko zaizkie abenduaren 5eko 3/2018 Lege Organikoan, Datu Pertsonalak Babesteari eta eskubide digitalak bermatzeari buruzkoan, aurreikusitako kasuetan. Interesdunek datuak eskuratzeko, ezeztatzeko, zuzentzeko eta aurka egiteko eskubidea erabili ahal izango dute Astigarragako Udalera zuzenduta.