Ur-azpiegitura egiteko edo berritzeko dirulaguntzak

Zer da? Zertarako da?

Banakako ebaluazioaren erregimenean, baserri-auzoetako gune nagusitik isolatuta dauden eraikinetan, eta betiere udal-sareari lotuta ez daudenean, ur-horniduraren azpiegitura bat sartzeko edo berritzeko lanak finantzatzeko diru-laguntza. Laguntza honen helburua da ur-hornidurarako sare publikoa iristen ez den landa-guneetan ur hornidura bermatzea.

Udalak diru-laguntza hauek urtero argitaratzen ditu. Ikus dirulaguntzak

PR0231C

Nork eska dezake?

Dirulaguntzak pertsona fisikoek eta juridikoek eskatu ahal izango dituzte, betiere laguntzetarako deialdiaren aurreko urteko abenduaren 31ren aurretik Bergaran erroldatuta badaude edo bertan egoitza fiskala badute, landa-gunean dirulaguntzaren helburu den eraikina jabetzan baldin badute eta eraikin horren erabilera bizitegikoa bada eta/edo nekazaritza- edo abeltzaintza-ustiategikoa.

Higiezin guztiak dagokien katastroan alta emanda egon beharko dira, eta dirulaguntza kobratzeko derrigorrezkoa izango da obrak beharrezkoa den obra-baimena izatea.

Honako baldintza hauek ere bete beharko dituzte onuradunek:

a) Betebehar fiskaletan eta Gizarte Segurantzakoetan egunean egotea; baita Bergarako Udalarekin ere.

b) Azaroaren 17ko 38/2003 Legearen 13. artikuluko 2. eta 3. ataletan adierazitakoaren arabera, dirulaguntza jaso ezin izateko kausetako batean ez egotea.

Eskaerak aurkezteko epea: Deialdia Gipuzkoako Aldizkari Ofizialean argitaratzen den egunaren biharamunetik eta, gehienez ere, 2024ko abenduaren 31ra arte.

Aurkeztu behar diren agiriak

• F0136A Ordezkaritza inprimakia (behar izanez gero)
• F0180 Landa garapena dirulaguntza eskaera

----

• Dirulaguntza eskatzeko eskaera-inprimakia (F0180) behar bezala beteta eta sinatuta
• Eskatzailearen nortasun agiria
• Interesduna ez den beste pertsona batek aurkezten badu eskaria, ordezkaritza-agiria (F0136A) aurkeztuko da, eta horrekin batera interesdunaren eta eskatzailean nortasun agiria
• Eraikinaren jabetzaren agiria
• Helburu bereko jasotako beste dirulaguntzen agiriak
• Fakturak edo aurrekontuak
• Ur-instalazioaren argazkiak, obrak eginda badaude

Bergarako Udalak dirulaguntza deialdian baldintzen datuak zuzenean egiaztatuko dituela beste administrazio batzuetan Datuen Bitartekotzako Plataformaren bitartez:.

GIPUZKOAKO FORU ALDUNDIA.

• Zerga-betebeharretan egunean egotea

GIZARTE SEGURANTZAREN DIRUZAINTZA OROKORRA.

• Betebeharren ordainketa egunean izatearen kontsulta.

Erabakiaren proposamena formulatu aurretik, Udalak beharrezko deritzon informazio osagarri guztia eskatu ahal izango du batzorde informatzailearen bitartez.

Non eskatzen da?

Bertaratuta:
• B@Z (Bergararren Arreta Zerbitzua). AURREZ TXANDA HARTUTA
  Udaletxea
  San Martin Agirre plaza 1 20570 BERGARA
  010 (943 779 100 Bergaratik kanpo)
  943 779 163
  

Internet bidez:
• Goian aipatzen diren beharrezko AGIRI GUZTIAK bete eta hasi online tramitazioa

ARGIBIDE GEHIAGO:
• Hirigintza
  Udaletxea
  San Martin Agirre plaza 1, 2. solairua 20570 BERGARA
  943 779 100 - luz. 1230
  943779156
  

Kostua

Udalak bere gain hartzen du kudeaketaren kostua.

Erabakitzeko epea

• Aurreikusitako epea: Bi hilabete.
• Legezko epea: Bi hilabete.
• Administrazio isiltasunaren eragina: Ezespena.
  

Legeak eta arauak

• Diru-laguntzen 38/2003 (azaroaren 17koa) Lege Orokorra
• 887/2006 Errege Dekretua, uztailaren 21ekoa, diru laguntzei buruzko azaroaren 17ko 38/2003 Lege Orokorraren Erregelamendua onartzen duena
• Bergarako Udaleko Dirulaguntzen Ordenantza Orokorra
• Landa-eremuetan bizi diren pertsonen bizi-kalitatea hobetzeko eta ingurumena zaintzeko dirulaguntza-programen deialdi irekia .

Eskaera egin ondoren jarraitu beharreko prozedura

Eskaera jaso, dokumentazioa egiaztatu, sarrera erregistratu eta eskatzaileari jaso-agiria eman.

Eskaera eta dokumentazioa izapidetzearen departamentu arduradunari bideratu.

Teknikariaren txostena.

Lurraldeko batzorde informatzailearen irizpena.

Ebazpena, Alkatearen Dekretua.

Eskatzaileari jakinarazpena.

Organo erabakitzailea

Alkatea

Izapidetze honen ardura duen departamentua

Bergarako Udala - Hirigintza

Oharrak

Eskaera egin aurretik, udal teknikariarekin egotea gomendatzen da.

Datu pertsonalen babesa

Egindako eskaeretako datu pertsonalak Bergarako Udalaren ardurapean tratatuko dira, eskaera izapidetu ahal izateko. Indarrean dagoen araudiak aitortutako eskubideak erabili ahal izango dira helbide honetara zuzenduta:

Bergarako Udala

San Martin Agirre plaza 1,

20570 Bergara

Informazio osagarria eskuragarri dago Datuen Tratamendu Jardueren Erregistroan (www.bergara.eus/RAT).