Mendekotasun eta RAI (Egoitza eta eguneko zentrorako orientabidea) eskaerak

Zer da? Zertarako da?

Adinaren, gaixotasunaren edo desgaitasunaren ondorioz, autonomia fisikoa, mentala, intelektuala edo sentsoriala falta edo galdu dutelako, eguneroko bizitzako oinarrizko jarduerak egiteko beste pertsonen arreta behar duten pertsonek eska dezakete.

Eskaera hau Udalak tramitatzen du, baina azken erantzulea Gipuzkoako Foru Aldundia da.

PR0130

Nork eska dezake?

Interesdun den edozeinek edota horren legezko ordezkariak, behar den baimenarekin.

• 3 urtetik gorako pertsonek, mendekotasun iraunkorreko egoeran daudenek, adinagatik, gaixotasunagatik edo desgaitasunagatik; egoera hori lotuta egongo da autonomia fisikoa, burukoa, intelektuala edo zentzumenekoa gutxiago izateari edo batere autonomiarik ez izateari, aurreko egoerara lehengoratzeko edo egoera hobetzeko arrazoizko aukerarik gabe.
• Bergaran erroldatuta egotea.
• Nazionalitate espainiarra izatea edo Espainian egoitza legala izatea.
• 5 urtez egoitza Espainian eduki izana, eta 5 urte horietatik bi gutxienez eskaera aurkeztu aurreko bi urteak izan beharko dira (5 urte baino gutxiagoko haurren kasuan, baldintza hau haurraren zaintza eta tutoretza duen pertsonari eskatuko zaio).
• Oro har, urritasun edo ezgaitasunen bat izatea, eskaeraren data baino gutxienez 6 hilabete lehenago diagnostikatua eta tratatua. Urritasun edo ezgaitasun horren ondorioz, beste pertsona baten laguntza behar da eguneroko jardueretarako, hala nola, elikatzeko, garbitzeko, etxe barruan edota kanpoan mugitzeko, osasun zaintzarako,…

Aurkeztu behar diren agiriak

• KFA0024 Baliabideetara bideratzeko RAI balorazio eskaera
• KFA0025 Mendekotasun balorazio eskaera

• Dokumentazio orokorra:
  • Baloratu beharreko pertsonaren NAN edo nortasuna egiaztatzen duen agiria.
  • Ezintasunen bat duen pertsona edo adingabea izanez gero, pertsona horren izenean eskabidea aurkezten duen pertsonak haren legezko ordezkaritza duela frogatzeko agiria.
• Osakidetzako txartela.
• Bakarrik Osakidetzari osasun txostena eskatzeko baimena ematen ez den kasuetan (baimena eskaera-orrian eman daiteke), ondorengo hau aurkeztu beharko da:
  • Mediku txostena eredu ofizialean.
• Foru Aldundiak, gainera, teknikari adituaren txostenak ere eska ditzake, balorazioa egin ahal izateko.

Non eskatzen da?

Bertaratuta:
• B@Z (Bergararren Arreta Zerbitzua). AURREZ TXANDA HARTUTA
  Udaletxea
  San Martin Agirre plaza 1 20570 BERGARA
  010 (943 779 100 Bergaratik kanpo)
  943 779 163
  

Internet bidez:
• Goian aipatzen diren beharrezko AGIRI GUZTIAK bete eta hasi online tramitazioa

Kostua

Beste batzuk:

Bergarako Udala EIS (Erregistroen interkonexio sistema) zerbitzura atxikituta dago. Zerbitzu horren bidez, udal honetan aurkeztu behar diren agiriak beste administrazio batzuetan erregistratu daitezke, modu seguruan eta legezko adostasunarekin. Beraz, erregistratu daitezke ere:

• Edozein administrazio publikoko (udalak,aldundiak, autonomia-erkidegoak, estatuko administrazioa edo mendeko erakundeak) erregistro-arloko laguntza-bulegotan, beti ere EIS sisteman badago.
• Postetxean, EBBE (ORVE) zerbitzuan.

ARGIBIDE GEHIAGO:

Gizarte zerbitzuak
943 779 100 - luz. 1210

Erabakitzeko epea

• Aurreikusitako epea: Hiru hilabete.
• Legezko epea: Hiru hilabete.
• Administrazio isiltasunaren eragina: Ezespena.
  

Legeak eta arauak

• 174/2011 Errege Dekretua, otsailaren 11koa, mendekotasuna baloratzeko baremoa, besteren menpean bizi diren pertsonen autonomia pertsonala eta arreta sustatzeko abenduaren 14ko 39/2006 Legeak ezarritakoa, onetsi duena.
• 39/2006 Legea, abenduaren 14koa, autonomia pertsonala sustatzeari eta mendetasun-egoeran dauden pertsonak zaintzeari buruzkoa. 26-28 art.

Eskaera egin ondoren jarraitu beharreko prozedura

• Eskaera jaso, dokumentazioa egiaztatu, sarrera erregistratu eta eskatzaileari jaso-agiria eman.
• Eskaera eta dokumentazioa izapidetzearen ardura duen departamentura bideratu.
• Gizarte zerbitzuek hala baloratzen dutenean, dagokion teknikariarekin hitzordua jarriko da.
• Teknikariaren txostena, Gizarte zerbitzuak.
• Eskaera eta dokumentazioa Gipuzkoako Foru Aldundiko Gizarte Politikarako Departamentura bidaltzea.
• Eskatzaileak Foru Aldundiaren ebazpena etxean jasoko du.

Organo erabakitzailea

Gipuzkoako Foru Aldundia

Izapidetze honen ardura duen departamentua

Bergarako Udala - Gizarte Zerbitzuak eta Sustapen Ekonomikoa

Oharrak

Eskaera osaturik Foru Aldundira iristen denean, ebazpena eman aurretik, Aldundiko teknikariak eskatzailearekin harremetan jarriko dira balorazioa egiteko hitzordua jartzeko. Balorazioak eskatzailearen etxean egingo dira.

Datu pertsonalen babesa

Egindako eskaeretako datu pertsonalak Bergarako Udalaren ardurapean tratatuko dira, eskaera izapidetu ahal izateko. Indarrean dagoen araudiak aitortutako eskubideak erabili ahal izango dira helbide honetara zuzenduta:

Bergarako Udala

San Martin Agirre plaza 1,

20570 Bergara

Informazio osagarria eskuragarri dago Datuen Tratamendu Jardueren Erregistroan (www.bergara.eus/RAT).