Tolosari edo Tolosaldeari buruzko Gradu Amaierako Lanak (GRAL), Master Amaierako Lanak (MAL) eta Goi Mailako Lanbide Heziketako proiektuak egiteko bekak.

ZER DA? ZERTARAKO DA?

Beka hauen helburua da Tolosari eta Tolosaldeari buruzko lanak egitea sustatzea

Ikus deialdia eta oinarriak hemen.

Aurkezteko epea: 2027ko ekainaren 1etik 2027ko urriaren 10era.

NORK ESKA DEZAKE?

Pertsona fisikoek, baldintza hauek betetzen badituzte:

1. Tolosan erroldatuta egotea eskabideak aurkezteko epea amaitzen den egunean.
2. 18 eta 30 urte bitartean izatea, urte naturalak oinarri hartuta.
3. Urte natural horretan matrikulatuta egotea Gradu Amaierako Laneko, Master Amaierako Laneko edo Goi Mailako Lanbide Heziketako proiektuko ikasgaian.
4. Lana euskaraz idaztea.
5. Lana Tolosari edo Tolosaldeari buruzkoa izatea. Eskualdeari buruzko lanen kasuan, eskualdea hartu beharko da aztergai, eta ez eskualdeko udalerri bakar bat.
6. Lanak gutxienez 10etik 7ko kalifikazioa edukitzea.

AURKEZTU BEHARREKO AGIRIAK

• EBEK Eskaera-orria

Eskaera eta justifikaziorako

• Eskaera-orria, lanari buruzko azalpen hauek jasota:

a) Lanaren izena eta laburpena.

b) Tolosarekin edo Tolosaldearekin duen lotura eta interesa.

c) Lanaren berrikuntza eta aplikagarritasuna.

d) Lanean genero-ikuspegia txertatzeko eredua.

• Ordezkaritza-agiria, hala badagokio, eta ordezkaritza hori egiaztatzen duen dokumentazioa.
• Lanaren kopia bat.
• Kalifikazioaren ziurtagiria.
• Eskatzailearen curriculum vitaea.

Agiriak kontsultatzearen aurka egin bada

• Gipuzkoako Foru Aldundiko Ogasunari eta Gizarte Segurantzari ordaindu beharrekoak ordainduta dituela egiaztatzen duen agiria.
• Kontu korrontearen titulartasunaren ziurtagiria.

UDALAK KONTSULTATUKO DITUEN DATUAK

NON ESKATZEN DA?

Aurrez aurre:
• Udate zerbitzuan (komeni da hitzordua eskatzea: telefonoz edo webgunearen bidez)
  Plaza Zaharra 6A 20400 TOLOSA
  astelehenetik asteazkenera / de lunes a miércoles: 07:15 - 14:15 | osteguna / jueves: 07:15-19:00 | ostirala / viernes: 08:15-14:15
  Tolosatik / Desde Tolosa: 010 - Tel.: 943 654 466
  
Erregistro elektronikoa (nahitaezkoa pertsona juridikoentzat, enpresentzat, elkargokide diren profesionalentzat, nortasun juridikorik gabeko elkarte eta kolektiboentzat):
• Erregistro Elektronikoa
  
Posta ziurtatua:
• Gutun-azal irekia posta-bulegoetan
  
Informazio gehiago:
• helbide elektronikoa: euskara@tolosa.eus
  Tel.: 943 654 466 + luzapena / extensión: 353
  
SIR bidez:
• Edozein administrazio publikotako edozein erregistro-bulegoren bidez (SIR kodea: L01200718)
  

ZENBAT KOSTATZEN DA?

Doan. Udalak hartuko du bere gain kudeaketaren kostua.

PROZEDURAREN EPEA

• Aurreikusitako epea: 6 hilabete

ARAUDI APLIKAGARRIA

• 38/2003 Lege Orokorra, azaroaren 17koa, Dirulaguntzei buruzkoa
• Dirulaguntzen Lege Orokorraren Erregelamendua, uztailaren 21eko 887/2006 Errege Dekretuaren bidez onartua
• Emakumeen eta Gizonen Berdintasunerako eta Indarkeria Matxistarik gabeko Bizitzetarako Legearen testu bategina onartzen duen martxoaren 16ko 1/2023 Legegintzako Dekretua
• 179/2019 Dekretua, azaroaren 19koa, Euskadiko toki-erakundeetan hizkuntza ofizialen erabilera instituzionala eta administratiboa normalizatzeari buruzkoa
• 19/2024 Dekretua, otsailaren 22koa, Euskal Sektore Publikoan euskararen erabilera normalizatzekoa
• Tolosako Udalaren Dirulaguntzen Ordenantza Orokorra
• Indarrean dauden Dirulaguntzen Plan Estrategikoa

ESKAERA JASO ONDOREN JARRAITU BEHARREKO PROZEDURA

1. Eskaerak aztertu eta balorazio proposamena egin

2. Batzordearen balorazioa

3. Behin-behineko proposamena egin

4. Alegazioak jaso

5. Behin betiko proposamena egin

6. Interesduna: justifikazioa aurkeztu

7. Justifikazioa egiaztatu

8. Kontu Hartzailetza: fiskalizazio-txostena

9. Zinegotzi delegatua: dirulaguntzaren kitapena onartu

10. Kontu Hartzailetza: hala badagokio, dirulaguntzaren kitapena ordaindu

11. Interesdunari jakinarazi

12. Artxibatu

NORK ONARTU BEHAR DU?

Ez dagokio

IZAPIDETZEKO ARDURA DUEN UDAL-SAILA

EUSKARA ETA HEZKUNTZA - Euskara eta Hezkuntza

OHARRAK

DATU PERTSONALEN BABESA

Tratamenduaren arduraduna: Tolosako Udala - Plaza Zaharra 6, 20400, Tolosa (Gipuzkoa). Datuak babesteko ordezkaria: dbdelegatua@tolosa.eus

Helburua: Udalak pertsona fisikoei, elkarteei eta erakundeei ematen dizkien laguntza eta dirulaguntzei lotutako informazio pertsonala kudeatzea.

Legitimazioa: Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoaren 8.1 eta 2. artikuluak: Datuen tratamendua, legezko betebeharra, interes publikoa edo botere publikoen egikaritzea direla-eta.

Komunikazio-hartzaileak: Tolosako Udalak zure datuak jakinarazi ahal izango dizkie zerga-administrazio eskudunei, Gizarte Segurantzari eta arlo horretan eskumena duten beste administrazio publiko batzuei.

Eskubideak: Eskubidea duzu datuetara sarbidea izateko, datuak zuzentzeko, ezabatzeko, aurka egiteko eta mugatzeko, baita Datuak Babesteko Euskal Bulegoan erreklamazio bat aurkezteko ere. Informazio gehiago nahi izanez gero, jo informazio gehigarriaren atalera.

Informazio gehigarria: Datuak babesteari buruzko informazio gehigarria eta zehatza kontsulta dezakezu gure webguneko datuak babesteari buruzko atalean: Tratamendu Jardueren Erregistroa