Haur eta nerabeen udalekuak

ZER DA? ZERTARAKO DA?

Izapide honen bidez, udalekuetan izena eman dezakete Tolosan erroldatuta dauden 6 eta 14 urte bitarteko haur eta nerabeek (aurten adin hori izango dutenek). Bi taldetan banatuko dira: alde batetik, 6 eta 10 urte bitartekoak, eta bestetik, berriz, 11 eta 14 urte bitartekoak.

Gazteek lau aste izango dituzte, aukeran, udalekuetan parte hartzeko, eta nahi adina astetan eman dezakete izena. 2025eko udan aste hauek izango dira:

• Lehen txanda: ekainaren 30etik uztailaren 4ra.
• Bigarren txanda: uztailaren 7tik 11ra.
• Hirugarren txanda: uztailaren 14tik 18ra.
• Laugarren txanda: uztailaren 21etik 24ra.

Ordutegia honako hau izango da:

• Oro har, 09:30etik 13:30era.
• 11 eta 14 urte bitartekoen taldeak, astearte eta ostegunetan, 09:30etik 16:30era.

Gainera, behar duenak, zaintza-zerbitzua izango du Kultur etxean 08:30ean hasi eta 14:30 arte.

Ikusi oinarriak hemen.

GUDA

NORK ESKA DEZAKE?

Tolosan erroldatutako 6 eta 14 urte bitarteko haur eta nerabeek; 2025. urteari dagokionez, 2011-2019 urteetan jaiotakoek (biak barne).

Oharra: Eskatzailea adingabea denez, eskaera interesdunaren izenean egin beharko da, eta eskaera-orria legezko ordezkariak sinatuko du. Aldi berean, ordezkariak ordezkaritza-agiria aurkeztu beharko du, ez bada ordezkaria adingabearen gurasoa (kasu horretan ez da ordezkaritza-agiria aurkeztu beharko).

AURKEZTU BEHARREKO AGIRIAK

• Ordezkaritza agiria (hala badagokio)
• EPPM Eskaera-orria
• GUDA Eskaera-orria

Interesdunek eskubidea dute jada administrazio jardulearen esku dauden edo beste edozein administraziok egindako dokumentuak ez aurkezteko (28 art. 39/2015 Legea).

Hori horrela, Tolosako Udalak zuzenean kontsultatuko du bere datu-baseetan eta administrazio eskudunean, NISAE elkarreragingarritasun-nodoaren bidez, baldintzak betetzen direla egiaztatzeko behar den informazioa, eta, bereziki, honako datu hauek, salbu eta interesdunak horren aurka egiten badu.

• Eusko Jaurlaritzari kontsulta, kontu korrontearen titulartasunari buruz.
• EAEko Udalei kontsulta, gaur egungo banakako erroldari buruz.
• Gipuzkoako Foru Aldundiari kontsulta, desgaitasun datuei buruz.
• Eusko Jaurlaritzari kontsulta, familia ugariaren tituluari buruz.
• Lanbideri kontsulta, Dirusarrerak Bermatzeko Errentari (DBE) buruz.

Horrez gain, eskatzaileak agiri hauek aurkeztu beharko ditu.

1. Eskaera-orria, eskaera aurrez aurre egiten den kasuetan. Online tramitazioan ez da beharrezkoa agiri hori atxikitzea.
2. Ordezkaritza-agiria, hala badagokio.
3. Legezko tutorearen (gurasoa ez den kasuetan soilik) erantzukizunpeko adierazpena.

Agiriak kontsultatzearen aurka egiten bada:

1. Kontu korrontearen titulartasunaren egiaztagiria.
2. Errolda-agiria.
3. Desgaitasun-agiria, hala badagokio.
4. Familia ugariaren tituluaren ziurtagiria, hala badagokio.
5. Dirusarrerak Bermatzeko Errentari (DBE) buruzko ziurtagiria, hala badagokio.

Prezio-murrizketa eskatu bada guraso bakarreko familia izateagatik edo egoera ekonomiko zaurgarriagatik:

1. EPPM eskaera-orria.

Kontu korrontearen titularra eta ordezkaria pertsona bera ez badira:

1. Kontuaren titulartasuna frogatzen duen ziurtagiria.

Ordainketa helbideratu ez bada:

1. Ordainketa ziurtagiria.

Helbideratzerik egin nahi ezean, egin ordainketa ondorengo banku zenbakira, eta kontzeptu bezala jarri “GUDA – adingabearen izen abizenak”: ES29.2095.4408.5091.2152.5692

NON ESKATZEN DA?

Aurrez aurre:
• Udate zerbitzuan (komeni da hitzordua eskatzea: telefonoz edo webgunearen bidez)
  Plaza Zaharra 6A 20400 TOLOSA
  astelehenetik asteazkenera / de lunes a miércoles: 07:15 - 14:15 | osteguna / jueves: 07:15-19:00 | ostirala / viernes: 08:15-14:15
  Tolosatik / Desde Tolosa: 010 - Tel.: 943 654 466
  
• Kultur Etxean
  Trianguloa Plaza 1 20400 TOLOSA
  10:00 - 13:00 / 16:00 - 20:00
  943670383
  

Erregistro elektronikoa (nahitaezkoa pertsona juridikoentzat, enpresentzat, elkargokide diren profesionalentzat, nortasun juridikorik gabeko elkarte eta kolektiboentzat):
• Erregistro Elektronikoa
  

ZENBAT KOSTATZEN DA?

• Aste 1: 25 €
• 2 aste: 45 €
• 3 aste: 65 €
• 4 aste: 85 €

Zaintza-zerbitzuak ez du kostu gehigarririk.

Prezio murrizketaren portzentajeak ikusteko sakatu hemen.

PROZEDURAREN EPEA

• Prozedura arrunta. Legezko gehienezko epea: 6 hilabete
• Isiltasun administratiboaren izaera: ezestekoa
  

ARAUDI APLIKAGARRIA

• Haur eta Nerabeen oporraldi garaiko aisialdi-zerbitzuaren araudia.
• 2/2024 Legea, otsailaren 15ekoa, Haur eta Nerabeena.

ESKAERA JASO ONDOREN JARRAITU BEHARREKO PROZEDURA

1. Lehen izen-ematea
2. Zozketa
3. Bigarren izen-ematea
4. Datuak egiaztatzea
5. Behin betiko zerrenda sortzea
6. Familiekin informazio-bilera
7. Kuota bakarreko ordainketa egitea

NORK ONARTU BEHAR DU?

Alkatetzak (edo hark eskuordetutako pertsonak)

IZAPIDETZEKO ARDURA DUEN UDAL-SAILA

KULTURA, FESTAK ETA GAZTERIA - Gazteria

OHARRAK

• Eskainitako plaza guztien % 5, gutxienez, % 33ko desgaitasuna eta/edo ofizialki aitortutako mendetasun-gradua duten adingabeentzat gordeko da.
• Zozketa egitean lehentasuna izango dute izen-ematea lau asteetarako egin dutenek.

KONTUAN HARTZEKOAK

Betebeharra: Parte-hartzaile guztien segurtasuna eta ongizatea bermatzeko, nahitaezkoa da gurasoek edo ordezkari legalek zerbitzuaren arduradunari parte-hartzailearen alergia, intolerantzia edo gaixotasun garrantzitsuen berri ematea.

Arduraduna: Tolosako Udaleko Gazteria Azpisaileko arduraduna – Nerea Cereceda (tel.: 943.654.466 luz.: 805 – helbide elektronikoa: ncereceda@tolosa.eus).

Konfidentzialtasuna: Datu horiek guztiak kategoria berezikotzat hartuko dira, eta modu konfidentzialean tratatuko dira, Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduaren 6.1 artikuluaren eta Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoaren 9.2 artikuluaren arabera.

DATU PERTSONALEN BABESA

Tratamenduaren arduraduna: Tolosako Udala. Plaza Zaharra 6, 20400, Tolosa (Gipuzkoa). Datuak Babesteko ordezkaria: dbdelegatua@tolosa.eus

Helburua: Haur eta nerabeen datu pertsonalak kudeatzea udalekuak garatu ahal izateko.

Zilegitasuna: Datu Pertsonalak Babesteari eta eskubide digitalak bermatzeari buruzko abenduaren 5eko 3/2018 Lege Organikoaren 8.1 eta 2. artikuluak: legezko betebeharragatik, interes publikoagatik edo botere publikoak baliatzeagatik eginiko datuen tratamendua.

Komunikazio-hartzaileak: Ez da datu komunikaziorik aurreikusten.

Eskubideak: Datuetara sarbidea izateko, datuak zuzentzeko, ezabatzeko, aurka egiteko eta mugatzeko eskubidea duzu, baita Datuak Babesteko Euskal Bulegoan erreklamazio bat aurkeztekoa ere. Informazio gehiago nahi izanez gero, jo informazio gehigarriaren atalera.

Informazio gehigarria: Datuak babesteari buruzko informazio gehigarria eta zehatza kontsulta daiteke Udalaren webguneko atal honetan: https://udala.tolosa.eus/datuen-babesa.