Eskaera: datuen tratamendua mugatzea

ZER DA? ZERTARAKO DA?

Bere datu pertsonalak era mugatuan tratatzea (biltzea, beste inori uztea eta abar) eskatzeko eskubidea du eskatzaileak, hauetakoren bat gertatuz gero:

• Datu pertsonalak zehatzak ez izateagatik aurkaratu izana. Mugatu egingo da, arduradunak zehatzak ote diren egiaztatu ahal izateko epe baterako.
• Tratatzea ez-zilegia izanda, eskatzaileak datu pertsonalak ezabatzearen aurka egin arren, horren ordez erabilera mugatzeko eskatzen duenean.
• Arduradunak datu pertsonal horiek behar ez izatea baina eskatzaileak horien beharrean egotea, erreklamazioak egin, bideratu edo aldeztu ahal izateko.
• Tratamenduaren aurka agertu izana. Epe batez mugatuta egongo da, arduradunak egiaztatu ahal izateko zeinek duen lehentasuna, arduradunaren zio legitimoek ala interesdunaren interesek.
• Modu ez-zilegian trataturiko datu pertsonalak.
• Legezko obligazio bat betetzeko ezabatu behar izatea.

Mugatze horren ondorioz, mugapenen bat duten datuak tratatzeko, eskatzailearen baimena beharko dute —kontserbatzeko izan ezik—, interes publikoa edo beste pertsona fisiko edo juridiko baten interesak babestea dela eta.

DB04

NORK ESKA DEZAKE?

• 14 urtetik gorako pertsona fisikoek.
• 14 urte baino gutxiago dituztenek edo ezintasun egoeran daudenek, legezko ordezkari baten bidez.
• Pertsona fisikoaren ordezkariak.

Noiz egin daiteke eskaera?

Urte osoan.

AURKEZTU BEHARREKO AGIRIAK

• Ordezkaritza agiria (hala badagokio)
• DB04 Eskaera-orria

Izapide honetan zehaztutako eskaera eredua erabiltzea derrigorrezkoa da

Nortasuna egiaztatzeko, NANa aurkeztu beharko du.
Eskabidea ordezkari bidez aurkeztuz gero, horren nortasuna eta ordezkaritza frogatu beharko ditu legeek xedatutako moduan, bai eta ordezkatuaren NANa erakutsi ere.

NON ESKATZEN DA?

Aurrez aurre:
• Udate zerbitzuan (komeni da hitzordua eskatzea: telefonoz edo webgunearen bidez)
  Plaza Zaharra 6A 20400 TOLOSA
  astelehenetik asteazkenera / de lunes a miércoles: 07:15 - 14:15 | osteguna / jueves: 07:15-19:00 | ostirala / viernes: 08:15-14:15
  Tolosatik / Desde Tolosa: 010 - Tel.: 943 654 466
  

Erregistro elektronikoa (nahitaezkoa pertsona juridikoentzat, enpresentzat, elkargokide diren profesionalentzat, nortasun juridikorik gabeko elkarte eta kolektiboentzat):
• Erregistro Elektronikoa
  

SIR bidez:
• Edozein administrazio publikotako edozein erregistro-bulegoren bidez (SIR kodea: L01200718)
  

ZENBAT KOSTATZEN DA?

Doan.

PROZEDURAREN EPEA

• Aurreikusitako epea: Hilabete 1
• Prozedura arrunta. Legezko gehienezko epea: Hilabete 1
• Isiltasun administratiboaren izaera: ezestekoa
  

ARAUDI APLIKAGARRIA

• 3/2018 Lege Organikoa, abenduaren 5ekoa, Izaera Pertsonaleko Datuak babesteari eta eskubide digitalen bermeari buruzkoa
• Datuak babesteko erregelamendu orokorra

ESKAERA JASO ONDOREN JARRAITU BEHARREKO PROZEDURA

1. Eskabidea eta dokumentazioa erregistratzea.
2. Nolanahi ere, tratamenduaren arduradunak beti erantzun beharko du, eskatzailearen datuak tratatuz gero zein ez.
3. Datuak mugatzea ukatuz gero, zergatiko hauetako bat idatziz adierazita utzi beharko dute: hartarako zio legitimo bat izatea edo legeren nahiz arau komunitarioren batek galaraztea.

NORK ONARTU BEHAR DU?

Alkatetzak (edo hark eskuordetutako pertsonak)

IZAPIDETZEKO ARDURA DUEN UDAL-SAILA

KOMUNITATEA ETA GOBERNANTZA - Komunitatea eta Gobernantza

OHARRAK

DATU PERTSONALEN BABESA

Tratamenduaren arduraduna: Tolosako Udala - Plaza Zaharra 6, 20400, Tolosa (Gipuzkoa). Datuak babesteko ordezkaria: dbdelegatua@tolosa.eus

Helburua: Kudeatzea datu pertsonalen tratamenduari lotutako eskubideak egikaritzeko eskaerak, pertsonek egindakoak. Legitimazioa: DBEOren 6.1.c) artikulua: lege-betebeharra betetzea, 2016/679 Datuak Babesteko Erregelamendu Orokorraren 15. artikulua eta hurrengoak. Gordetzeko epeak: eskubideen egikaritze-prozesua amaitu denetik urte batera, eta, izatekotan, kontrol-agintaritzak emandako ebazpena irmoa denetik.

Komunikazio-hartzaileak: Legeak ezarritakoak, eta tratamendu honen esparruan aplikagarri direnak

Tratamenduaren arduraduna: Tolosako Udala, Plaza Zaharra 6B, 20400 Tolosa (Gipuzkoa). Datuen babesaren ordezkaria: dbd@tolosa.eus

Eskubideak: Eskubidea duzu datuetara sarbidea izateko, datuak zuzentzeko, ezabatzeko, aurka egiteko eta mugatzeko, baita Datuak Babesteko Euskal Bulegoan erreklamazio bat aurkezteko ere.

Informazio gehigarria: Datuak babesteari buruzko informazio gehigarria eta zehatza kontsulta dezakezu gure webguneko datuak babesteari buruzko atalean: Tratamendu Jardueren Erregistroa