Dirulaguntzak, enpresa eta merkataritza-establezimenduetan euskararen erabilera sustatzeko

ZER DA? ZERTARAKO DA?

Pasaiako udalerriko enpresa zein merkataritza-establezimenduetan euskararen erabilera sustatzeko dirulaguntzak:

Errotuluak euskaraz jartzeko dirulaguntzak.
Irudi korporatiboak, web-orriak eta programa informatikoak euskaraz jartzeko dirulaguntzak.
Merkataritzako eta enpresetako langileek euskara ikasteko dirulaguntzak.
Enpresek euskara-planak diseinatzeko eta haien jarraipena egiteko dirulaguntzak.

NORK ESKA DEZAKE?

Pasaiako merkataritza-establezimenduetako nagusiek zein langileek.
Pasaiako enpresetako zuzendaritzek zein euskara-plana duten enpresetako langileek.

AURKEZTU BEHARREKO DOKUMENTAZIOA

Errotuluak euskaraz jartzeko dirulaguntzetarako:

E036 Errotuluak euskaraz jartzeko dirulaguntza-eskaera behar bezala beteta.
NAN edo enpresaren IFZ agiria
Errotuluaren faktura originala.
Errotuluaren argazkia.
Dirulaguntzaren eskabidean eskatzaileak Udalari ez badio baimenik ematen egiaztapen hauek ofizioz egiteko, Foru Ogasuneko zerga-betebeharrak eta Gizarte Segurantzako betebeharrak eguneratuta dituela egiaztatzen dituzten agiriak.

Irudi korporatiboak, web-orriak eta programa informatikoak euskaraz jartzeko dirulaguntzetarako:

E086 Euskarazko irudi korporatiboak, webguneak eta programa informatikoak euskaraz jartzeko dirulaguntza-eskaera behar bezala beteta.
NAN edo enpresaren IFZ agiria.
Irudi korporatiboaren, web-orriaren edo programa informatikoaren faktura.
Irudi korporatiboaren, web-orriaren edo programa informatikoaren argazkia.
Dirulaguntzaren eskabidean eskatzaileak Udalari ez badio baimenik ematen egiaztapen hauek ofizioz egiteko, Foru Ogasuneko zerga-betebeharrak eta Gizarte Segurantzako betebeharrak eguneratuta dituela egiaztatzen dituzten agiriak.

Merkataritzako eta enpresetako langileek euskara ikasteko dirulaguntzetarako:

Dirulaguntza eskatzean aurkeztu beharrekoak:
- E035 Pasaiako herritarren euskara ikasteko dirulaguntza-eskaera behar bezala beteta.
- NAN, AIZ edo pasaportea.
- Dirulaguntzaren eskabidean eskatzaileak Udalari ez badio baimenik ematen egiaztapen hauek ofizioz egiteko, Foru Ogasuneko zerga-betebeharrak eta Gizarte Segurantzako betebeharrak eguneratuta dituela egiaztatzen dituzten agiriak.
- Matrikularen ordainagiria edo endosoa.
- Lan egiten duten Pasaiako merkataritza-establezimendu edo enpresaren agiria.
Dirulaguntza justifikatzean aurkeztu beharrekoak:
- Euskaltegiaren txostena: ikaslearen aprobetxamendua (asistentzia) eta jarrera azaltzen dituena.

Enpresek euskara-planak diseinatzeko eta haien jarraipena egiteko dirulaguntzetarako:

Dirulaguntza eskatzean aurkeztu beharrekoak:
- E066 Enpresentzako euskara-planetarako dirulaguntza-eskaera behar bezala beteta.
- E147 Aurrekontua behar bezala beteta.
- Urte horretarako enpresak duen euskara-plana, kudeaketa-plana edota E148 Garatuko diren ekintzen helburua eta deskribapen zehatza dokumentua behar bezala beteta.
- NAN edo enpresaren IFZ agiria.
- Kontu korrontearen agiria banketxeak emanda.
- Dirulaguntzaren eskabidean eskatzaileak Udalari ez badio baimenik ematen egiaztapen hauek ofizioz egiteko, Foru Ogasuneko zerga-betebeharrak eta Gizarte Segurantzako betebeharrak eguneratuta dituela egiaztatzen dituzten agiriak.
- Baloratzeko aurkeztu beharreko dokumentazioa (hala dagokionean):
- a) Enpresak indarrean daukan Euskararen Plan Estrategikoa edo baliokidea.
- b) Enpresaren Hizkuntza Politika Orokorra edota zehaztuta dauden hizkuntza-irizpideak.
- c) Jarraipena egiteko neurtutako adierazleen emaitzak.
- d) Bikain ziurtagiria edo Bai euskarari ziurtagiria, aurreko hiru urteetan eskatu bada.
- e) Enpresaren Berdintasun Plana, EAEn Emakumeen eta Gizonen Berdintasunerako Lankidetza Erakundearen aitorpena edo baliokidea.
- f) E148 Garatuko diren ekintzen helburua eta deskribapen zehatza dokumentuan eskatzaileak ez badu azaltzen genero-ikuspegia nola txertatu duen, genero-ikuspegia nola txertatu duen azaltzen duen aparteko dokumentua.
Dirulaguntza justifikatzean aurkeztu beharrekoak:
- E143 Dirulaguntzaren zuriketa dokumentua behar bezala beteta.
- Deialdiaren urtean egindako gastuen faktura originalak edo kopiak.

NON ESKATZEN DA?

Internet bidez:

Gorago aipatzen diren beharrezko AGIRI guztiak bete eta hasi online tramitazioa

Internet bidez:

Gorago aipatzen diren beharrezko AGIRI guztiak bete eta hasi online tramitazioa.

ZENBAT BALIO DU?

Ez du kosturik.

PROZEDURAREN EPEA

Aurreikusitako epea: hilabete 1
Prozedura arrunta. Legezko gehienezko epea: 3 hilabete
Isiltasun-administratiboaren izaera: aurkakoa

ARAUDI APLIKAGARRIA

Euskararen erabilera normalitzeko udal-ordenantza (49. artikulua).
Pasaiako Udalean Hizkuntza Ofizialak Erabiltzeko Irizpideak (1.0.6.2. Dirulaguntzak).
Pasaiako Udalaren eta bere erakunde autonomoen dirulaguntzen ordenantza orokorra (I.eranskina).

Dirulaguntzen Ordenantza Orokorra

ESKAERA JASO ONDOREN JARRAITU BEHARREKO PROZEDURA

Euskara Sailak dokumentazioa aztertu eta txostena egin.
Kontu-hartzailetzak fiskalizatu.
Tokiko Gobernu Batzarrak onartu eta ebazpena bideratu.
Interesdunari jakinarazi.
Dirulaguntza ordaindu.

NORK ONARTU BEHAR DU?

Tokiko Gobernu Batzarra

IZAPIDETZEKO ARDURA DUEN UDAL SAILA

Sustapen arloa - Euskara

OHARRAK

Dirulaguntzen zenbatekoa

Errotuluak euskaraz jartzeko:

Establezimendu berriei nahiz errotulua aldatu nahi duten zaharrei emango zaie.
Jarduera ekonomikoa duten eskatzaileen kasuan, BEZagatik ordaindutako zenbatekoa ez da diruz lagunduko.
Merkataritza-establezimenduei kostuaren % 50 ordainduko die udalak, 500 €-raino, establezimenduaren kanpoan erdarazko errotulazio elementurik ez badute.
Merkataritza-establezimenduaren kanpoaldean aurretik jarritako erdarazko errotulazio zaharra mantentzen bada, kostuaren % 20 ordainduko die udalak, 150 €-raino.
Gainerako enpresei kostuaren % 30 ordainduko die udalak, 600 €-raino, eraikinaren kanpoan erdarazko errotulazio-elementurik ez badute.
Enpresaren kanpoaldean aurretik jarritako erdarazko errotulazio zaharra mantentzen bada, kostuaren % 15 ordainduko die udalak, 300 €-raino.
Bete beharreko baldintzak:
- Enpresa edo merkataritza-establezimendua Pasaiako udalerrian kokatua egotea.
- Errotulua euskaraz jartzea.
- Euskarazko testua zuzen idatzita jartzea. Horretarako, Euskara Sailak gainbegiratuko du.
- Errotuluan establezimenduaren edo enpresaren izen berezia soilik agertzen bada, ez da dirulaguntzarik jasoko.
- Errotulua jarri ahal izateko beharrezkoa izango da udalak jarduera-baimena emana izatea.
- Udalarekiko betebeharrak (lizentziak, zergak) egunean izatea.

Irudi korporatiboak, web orriak eta programa informatikoak euskaraz euskaraz jartzeko:

Jarduera ekonomikoa duten eskatzaileen kasuan BEZagatik ordaindutako zenbatekoa ez da diruz lagunduko.
Euskaraz jarritako irudi korporatiboaren elementu bakoitzeko kostuaren % 50 izango da dirulaguntza, baina, kontzeptu honengatik ematen diren dirulaguntzen baturak ezingo du 350,00 euroko muga gainditu.
Diruz lagunduko diren elementuak: ibilgailuetako errotulazioa, lanerako arropa, poltsak, biltzeko papera, gutun-azalak, orri idazpurudunak, bisita-txartelak, taloitegiak, albaranak, fakturak, etab.

Web-orria euskaraz jartzeko:

Euskara hutsezko webgunea izatea, edota elebiduna edo eleaniztuna izanda, euskarazkoari lehentasuna ematea; euskarazkoari, gutxienez, beste hizkuntzetan eman zaion adinako tratamendua ematea. Domeinuan sartzerakoan euskara izango da lehenetsitako hizkuntza, euskara izango da pantailaratzen lehena: % 50, gehienez ere 450 €.
Elebiduna edo eleaniztuna izanda, euskarazkoari, gutxienez, beste hizkuntzetan eman zaion adinako tratamendua ematea, baina, lehen orrian euskarazkoa lehenetsi gabe: % 30, gehienez ere 300 €.

Programa informatikoak euskaraz jartzeko:

Euskarazko programa informatikoak erosteko, jarduera komertziala bideratzeko lagungarri direnak, enpresaren euskararen erabilera normalizatzen lagun dezaketenak: kostuaren % 50, gehienez ere 200 €.

.EUS domeinua jartzeko:

Domeinuaren eta ostatatzearen gastua lagunduko da diruz.

Merkataritzako eta enpresetako langileek euskara ikasteko:

Matrikularen % 100
Oharra: HABEk lehen eta bigarren mailak egiaztatzeko ematen dituen dirulaguntzekin bateragarria izango da, betiere matrikularen beraren kostua gainditzen ez badu.
Bete beharreko baldintzak:
16 urtetik gora izatea matrikula egiten den datarako.
Merkataritzako eta enpresetako langileen kasuan, Pasaiako merkataritza-establezimendu edo onartutako euskara-plana duen enpresetako batean lanean egotea ikastaroa hasten den datarako.
Euskarazko ikastaroan gutxienez % 85eko asistentzia egiaztatzea. Asistentzia zenbatzeko orduan, ez dira hutsegitetzat hartuko ondoko kasuak:
- 1.- Ikasleren batek, lanean hasi, eta ordutegia dela-eta, ez badauka euskaltegira etortzerik, baldin eta lanean hasi den enpresaren ziurtagiriaren bidez egiaztatzen badu (enpresaren zigilua beharrezkoa da).
- 2.- Gaixotasuna, baldin eta mediku-ziurtagiri ofizial bidez egiaztatzen badu eskoletara joateko ezintasun larria duela.
- 3.- Haurdunaldia, baldin eta mediku-txosten bidez egiaztatzen badu atseden osoa hartu behar duela.
- 4.- Mendekotasuna duten gertuko senitartekoen zaintza: seme-alaba adingabeak, mendekotasuna aitortua duten gurasoak edota bikotekidea. Mendekotasuna mediku-ziurtagiri ofizial bidez egiaztatu beharko du.
Irakasleak aldeko txostena egitea.
Euskaltegiak jarritako probak egitea.
Ikastaroaren kostu osoa ordainduta izatea dagozkion epeetan.
Ikastaroa amaitzea. Asistentzia zenbatzeko orduan ez dira hitsegitetzat hartuko aurrez aipatu diren salbuespen kasuak.

Enpresek euskara-planak diseinatzeko eta haien jarraipena egiteko:

Euskara-plana eta urteko kudeaketa-plana oinarri izanda, euskararen erabilera eta presentzia sustatzeko jarduerak egiten dituzten enpresei:

Aurrekontu araztuaren gaineko % 60ko dirulaguntza emango zaio gehienez. Lanhitzek esleitutako dirulaguntza eta Udalaren dirulaguntza, biak hartuko dira kontuan portzentaje horretan. Alegia, enpresak autofinantzatu beharrekoa % 40 izango da.
Udalaren partetik, entitate eskatzaileak, gehienez 5.000 €-ko dirulaguntza jaso ahal izango du.

Euskara-planik izan gabe, euskararen erabilera edota presentzia sustatzeko jarduerak egiten dituzten enpresei:

Aurrekontu araztuaren gaineko % 80ko dirulaguntza emango zaio gehienez. Lanhitzek esleitutako dirulaguntza eta Udalaren dirulaguntza, biak hartuko dira kontuan portzentaje horretan. Alegia, enpresak autofinantzatu beharrekoa % 20 izango da.
Udalaren partetik, entitate eskatzaileak, gehienez 1.000 €ko dirulaguntza jaso ahal izango du.
Gehienez hiru urtez jaso ahal izango da dirulaguntza multzo honetan, eta, beti ere, urte horretan Pasaiako Udalaren deialdiko lehenengo multzoan dirulaguntzarik jaso ez bada.

Dirulaguntza espediente honen inguruko argitalpenak ikusteko:

https://www.pasaia.eus/espedienteetako_argitalpenak