Eskaera orokorra

ZER DA? ZERTARAKO DA?

Herritar, erakunde edo beste administrazio publikoek Udaleko arlo, organo edo zerbitzuei aurkeztutako idatzi eta jakinarazpen guztiak jasotzeko, erregistratzeko eta dagokion organo edo zerbitzura bideratzeko.

OR010

NORK ESKA DEZAKE?

Udaleko edozein arlori eskabide edo idatziren bat zuzendu nahi dioten guztiek (pertsona fisiko zein juridikoek), edo euren ordezkari legalek.

AURKEZTU BEHAR DIREN AGIRIAK

• Eskaera-orri orokorra (ez da beharrezkoa tramitea on-line egiten baldin bada).
• AHALMENA BESTE BATEN ESKU UZTEKO AGIRIA (beharrezkoa balitz).
• Erregistratu nahi den eskabidean edo idatzian datu hauek jaso beharko dira beti:
  • Interesdunaren izen-abizenak eta, dagokionean, ordezkatzen duenarenak.
  • Jakinarazpena edo eskariaren erantzuna jasotzeko helbidea.
  • Tokia, data eta sinadura.
  • Ekintzak, arrazoiak, eskari zehatza eta, nahi izanez gero, Udaleko zein arlotara zuzenduta dagoen.
  • Prozedura araututa balego, dagokion dokumentazioa.
• Eskaera laguntzeko bestelako dokumentazioa ere aurkeztu daiteke.

NON ESKATZEN DA?

Bertaratuta:
• H@ZI
  Udaletxea
  Fernando Eskoriatza plaza 1 20540 ESKORIATZA
  08:00-14:30
  943 714 407
  

Ohiko postaz:
• Eskoriatzako Udala.
  Fernando Eskoriatza plaza 1 20540 ESKORIATZA
  

OHARRA:
• Pertsona juridikoentzako oharra
  

BESTE ERA BATZUK:

39/2015 Legearen 16.4 artikuluan zehaztutako entitateetan (Correoseko bulegoetan, Espainiak atzerrian dituen ordezkaritza diplomatikoetan edo kontsuletxe-bulegoetan eta erregistro-gaietarako laguntzarako bulegoetan).

Eskaria posta bulegoan aurkezten bada, gutun-azal irekian aurkeztu behar da, data eta beste datuen zigilua ipintzeko. Ondoren, posta ziurtatuaren bidez bidaliko da, eta bidali izanaren agiria emango dio Correosek.

KOSTUA

Udalak bere gain hartzen du kudeaketaren kostua.

ERABAKITZEKO EPEA

• Aurreikusitako epea: momentuan.
• Legezko epea: ez dago.
• Administrazio isiltasunaren eragina: ez dagokio.
  

LEGEAK ETA ARAUAK

• 39/2015 Legea, Administrazio Publikoen Prozedura Erkidearena (EAO, 236 zk.a, 2015/10/02) 16.artikulua
• 2568/1986 Errege Dekretua Toki Erakundeen Antolaketa, Jarduna eta Araubidearen Erregelamendua onartzen duena 151-162 arteko artikuluak

ESKAERA EGIN ONDOREN JARRAITU BEHARREKO PROZEDURA

• Eskaera eta dokumentazioa tramitatzearen ardura duen arlora bideratu.

ORGANO ERABAKITZAILEA

Ez dagokio

TRAMITE HONEN ARDURA DUEN ARLOA

Orokorrak - Orokorra

OHARRAK

Eskariak betetzen laguntzeko, Udalak normalizatutako eskabideak ditu. Inprimaki-mota bakoitzean, tramite hori burutzeko behar den informazioa eta dokumentazioa zehazten da; beraz, tramite bakoitzari dagokion inprimakia erabiltzea gomendatzen da.

Tramite zehatz bat egiteko inprimakirik ez balego, normalizatutako eskaera-orri orokorra ere erabili ahal izango da. Hala ere, ez da derrigorra inprimaki horiek erabili behar izatea.

Udaletxera faxez edo posta elektronikoz bidalitako idatziei, ezta egindako abisuei, kexei edo iradokizunei ere (ez udaletxean zuzenean aurkeztutakoei, ez Herritarren Postontziaren bidez bidalitakoei), EZ zaie sarrerarik emango.

DATU PERTSONALEN BABESA

DATU BABESA

Egindako eskaeretako datu pertsonalak Eskoriatzako Udalak tratatuko ditu, eskaria tramitatu ahal izateko helburuarekin.

Datu horiek udal-kudeaketarako bakarrik erabiliko dira, baina beste administrazio publiko bati edo besteren bati utzi edo jakinarazi ahal izango zaizkie 3/2018 Lege Organikoan aurreikusitako kasuetan –abenduaren 5eko 3/2018 Lege Organikoa, Datu Pertsonalak Babesteari eta Eskubide Digitalak Bermatzeari buruzkoa–.

Datuak eskuratzeko, zuzentzeko, ezeztatzeko eta horien aurka egiteko eskubidea erabil daiteke Udalaren aurrean ondorengo bideetatik:

Bertaratuta:

Eskoriatzako Udala

Fernando Eskoriatza plaza

20540 Eskoriatza

Telematikoki: Datu babesa - Eskaera-orria