“ESKORIATZA BIZIRIK” EROSKETA-BONUAK – BONU EROSLEAK

ZER DA? ZERTARAKO DA?

Eskoriatzako Udalak sustatutako erosketa-bonuen programa da, udalerriko merkataritza-, ostalaritza- eta zerbitzu-establezimenduetan kontsumoa sustatzeko helburua duena.

Kanpainaren bidez, Eskoriatzan erroldatutako pertsonek diruz lagundutako bonuak erosi ahal izango dituzte atxikitako establezimenduetan kontsumitzeko, tokiko jarduera ekonomikoa eta hurbileko merkataritza sustatuz.

GA007

NORK ESKA DEZAKE?

Honako baldintza hauek betetzen dituzten pertsonek erosi ahal izango dituzte bonuak:

• Eskoriatzan erroldatuta egotea.
• Adin nagusikoa izatea.

Pertsona bakoitzak bonu bakarra erosi ahal izango du.

AURKEZTU BEHAR DIREN AGIRIAK

• Nortasun Agiri Nazionala (NAN) edo baliokidea den identifikazio-agiria.
• Beste pertsona baten izenean erosten bada, bonuaren titularraren NANa.

NON ESKATZEN DA?

Bonuak aurrez aurre erosi beharko dira Eskoriatzako Udalean, deialdian ezarritako egun eta ordutegietan.

KOSTUA

Bonu bakoitzak:

• 30 €-ko kontsumo-balioa izango du.
• Onuradunak 15 € ordainduko ditu.

Gainerako 15 €-ak Eskoriatzako Udalak diruz lagunduko ditu.

ERABAKITZEKO EPEA

• Aurreikusitako epea: momentuan.

LEGEAK ETA ARAUAK

• Deialdiaren oinarriak.

• Eskoriatzako Udalak dirulaguntzak emateko erregimena arautzeko ordenantza orokorra
• 39/2015 Legea, Administrazio Publikoen Prozedura Erkidearena (EAO, 236 zk.a, 2015/10/02)
• Diru-laguntzen 38/2003 (azaroaren 17koa) Lege Orokorra
• 2/2016 LEGEA, apirilaren 7koa, Euskadiko Toki Erakundeei buruzkoa
• 2024-2027 ekitaldirako Eskoriatzako Udalaren Dirulaguntzen Plan Estrategikoa

ESKAERA EGIN ONDOREN JARRAITU BEHARREKO PROZEDURA

1. Eskoriatzako Udalera joatea bonuen salmentarako ezarritako epean.
2. NANaren bidez identifikatzea.
3. Ordainketa banku-txartel bidez egitea.
4. Erosketa-bonua jasotzea.
5. Bonua kanpainara atxikitako establezimenduetan bakarrik erabiltzea.
6. Erosketak ezarritako balio-epearen barruan egitea.

ORGANO ERABAKITZAILEA

Ez dagokio

Deialdia onartu eta kudeatzeko eskumena duen Eskoriatzako Udaleko organoa.

TRAMITE HONEN ARDURA DUEN ARLOA

Garapen ekonomikoa - Garapena

OHARRAK

• Bonuen salmenta honako egun eta ordutegietan egingo da:
  • 2026ko irailaren 7tik 10era, 10:00etatik 13:00etara eta 17:00etatik 19:00etara.
  • 2026ko irailaren 11tik aurrera, astelehenetik ostiralera, 10:00etatik 13:00etara.
• Ordainketak txartel bidez bakarrik onartuko dira.
• Guztira 1.000 bonu jaulkiko dira.
• Bonuak kanpainara atxikitako establezimenduetan bakarrik erabili ahal izango dira.
• Bonuak 2026ko irailaren 7tik urriaren 31ra arte izango dira baliodunak.
• Balio-epea amaitutakoan, bonuak baliogabetuta geratuko dira.
• Produktu edo zerbitzuen itzulketetan, establezimendu bakoitzak ezarritako itzulketa-politika aplikatuko da.

DATU PERTSONALEN BABESA

DATU BABESA

Egindako eskaeretako datu pertsonalak Eskoriatzako Udalak tratatuko ditu, eskaria tramitatu ahal izateko helburuarekin.

Datu horiek udal-kudeaketarako bakarrik erabiliko dira, baina beste administrazio publiko bati edo besteren bati utzi edo jakinarazi ahal izango zaizkie 3/2018 Lege Organikoan aurreikusitako kasuetan –abenduaren 5eko 3/2018 Lege Organikoa, Datu Pertsonalak Babesteari eta Eskubide Digitalak Bermatzeari buruzkoa–.

Datuak eskuratzeko, zuzentzeko, ezeztatzeko eta horien aurka egiteko eskubidea erabil daiteke Udalaren aurrean ondorengo bideetatik:

Bertaratuta:

Eskoriatzako Udala

Fernando Eskoriatza plaza

20540 Eskoriatza

Telematikoki: Datu babesa - Eskaera-orria

Emandako datu pertsonalak Eskoriatzako Udalak tratatuko ditu “Eskoriatza Bizirik” erosketa-bonuen salmenta eta kontrola kudeatzeko, baita deialdian ezarritako baldintzak betetzen direla egiaztatzeko ere.