Eskoriatzako establezimienduetako errotuluak euskaraz jartzeko, eta irudi korporatiboa euskaraz sustatzeko dirulaguntzak

ZER DA? ZERTARAKO DA?

Deialdi honen helburua da herriko saltoki, ostalaritza establezimendu eta enpresetan errotuluak eta irudi korporatiboa euskaraz jartzeko laguntzak ematea.

1) Errotuluak euskaraz jartzea: errotulutzat hartuko dira fatxadan nahiz merkatal edo ostalaritza establezimenduaren ate eta kristaletan jartzen direnak.

2) Irudi korporatiboaren euskarriak euskaraz ekoiztea. Irudi korporatiboko elementuak izan daitezke toldoak, bisita txartelak, zigiluak, fakturak, ibilgailuen errotulazioak, poltsak eta batzeko paperak edo antzeko elementuak.

Eskaera epea: Deialdia Gipuzkoako Aldizkari Ofizialean argitaratu ondorengo egunetik urte horretako urriaren 20ra arte.

GA001

NORK ESKA DEZAKE?

Onuradun izan ahalko dira ondorengo baldintzak betetzen dituzten pertsona fisikoak, juridikoak, edo horien legezko ordezkariak:

• Merkataritza edo ostalaritza jarduera bat Eskoriatzan egitea edo egiteko asmoa izatea.
• Jarduera hori egiteko udal lizentzia izatea.

AURKEZTU BEHAR DIREN AGIRIAK

DIRULAGUNTZA ESKAERA OROKORRA. Orrian bertan aitortu beharko dira honako hauek (onartu ezean, horiei buruzko dokumentazio espezifikoa aurkeztu beharko da):

1) Ez duela hasita edo tramitean administrazioari dirua itzultzeko inolako prozedurarik.

2) Beste erakunde edo organismo batzuei egindako dirulaguntza eskaerak edo horiek dagoeneko emandakoak.

3) Ez duela sexu-diskriminazioagatik administrazio zigorrik ez zigor penalik.

4) Bere xede eta helburuak ez direla emakumeen eta gizonen aukera-berdintasuneko printzipioaren kontrakoak.

5) Ez duela 17/2003 Legearen 13.2 eta 13.3 ataletan jasotako debekurik.

6) Zerga betebeharrak eta Gizarte Segurantzarekikoak egunean dituela.

Jarriko den errotuluaren edo egingo den elementuaren testu eta diseinu proposamena. Dagoeneko errotulua jarrita edo elementua eginda badago, haren argazkia edo egindako elementuaren ale bat.

Gastuaren aurrekontua edo faktura (gastua eginda dagoenean).

NON ESKATZEN DA?

Bertaratuta:
• H@ZI
  Udaletxea
  Fernando Eskoriatza plaza 1 20540 ESKORIATZA
  08:00-14:30
  943 714 407
  

Oharra:
• Pertsona juridikoentzako oharra
  

• Telematikoki:

1. “Aurkeztu behar diren agiriak” atalean aipatzen diren eskaera orriak deskargatu eta bertako informazioa bete (PDF betegarriak dira).
2. Eskatzen den gainontzeko dokumentazioa baduzula ziurtatu.
3. Tramitazio telematikoarekin hasi, eta eskatzen duenean (“Dokumentuak” pausuan), aurreko 2 puntuetan aipatutako dokumentazioa erantsi.

KOSTUA

Udalak bere gain hartzen du kudeaketaren kostua.

ERABAKITZEKO EPEA

• Aurreikusitako epea: bi hilabete.
• Legezko epea: hiru hilabete.
• Administrazio isiltasunaren eragina: ezespena.
  

LEGEAK ETA ARAUAK

• Oinarriak

• Eskoriatzako Udalak dirulaguntzak emateko erregimena arautzeko ordenantza orokorra
• 39/2015 Legea, Administrazio Publikoen Prozedura Erkidearena (EAO, 236 zk.a, 2015/10/02)
• Diru-laguntzen 38/2003 (azaroaren 17koa) Lege Orokorra
• 2/2016 LEGEA, apirilaren 7koa, Euskadiko Toki Erakundeei buruzkoa
• 2024-2027 ekitaldirako Eskoriatzako Udalaren Dirulaguntzen Plan Estrategikoa
• 1/2016 legea, apirilak 7koa, Adikzioen eta Droga-menpekotasunaren gaineko Arreta Integralari buruzkoa
• 1/2023 LEGEGINTZAKO DEKRETUA, martxoaren 16koa, emakumeen eta gizonen berdintasunerako eta emakumeen aurkako indarkeria matxistarik gabe bizitzeko Legearen testu bategina.

ESKAERA EGIN ONDOREN JARRAITU BEHARREKO PROZEDURA

• Eskaera jaso, dokumentazioa egiaztatu, eskaneatu, sarrera erregistratu eta eskatzaileari erregistroaren egiaztagiria eman.
• Agiriren bat falta bada, 10 eguneko epea emango da zuzentzeko, eta adieraziko zaio hala egin ezean eskabidean atzera egin duela ulertuko dela.
• Eskaera eta dokumentazioa tramitatzearen ardura duen arlora bideratu.
• Teknikariaren txostena, Garapen Ekonomikoa.
• Batzorde informatzailearen diktamena, Lurralde eta Garapen ekonomiko jasangarria.
• Ebazpena, Alkatearen erabakia.
• Diruzaintzari jakinarazi.
• Jakinarazpena, eskatzaileari.
• Dirulaguntzen Sistema Nazionalean argitaratzea.

ORGANO ERABAKITZAILEA

Alkatea

TRAMITE HONEN ARDURA DUEN ARLOA

Garapen ekonomikoa - Garapena

OHARRAK

Errotuluak jartzeko dirulaguntzak jasotzeko baldintzak:

• Errotulua jartzeko baimena izatea.
• Errotulua euskara hutsean egotea.
• Establezimenduaren izenaz gain, jardueraren izena agertzea (hau da, taberna, jatetxea...).
• Testua zuzen idatzita egotea.

Irudi korporatiboa euskaraz ekoizteko dirulaguntzak jasotzeko baldintzak:

• Irudi korporatiboaren elementutzat honako hauek hartzen ditu Eskoriatzako Udalak: kartazalak, menbretedun orriak, bisita txartelak, entitatearen identifikazio zigilua, albaranak, fakturak, ibilgailuen errotulazioa, poltsak eta antzeko elementuak.
  
• Dirulaguntza jaso ahal izateko beharrezkoa izango da irudi korporatiboaren elementuan agertzen den testua euskara hutsean eta zuzen idatzita egotea.

Dirulaguntzaren banaketa proportzionalki egingo da eskaera guztien artean, eta hortaz, haiei buruzko erabakia eskaera aurkezteko epea bukatu eta, asko jota, hilabeteko epean hartuko da.

Eskaerei eta gainerako dokumentuei sarrera eman beharko zaie Udal Erregistroan. Ez da mezu elektronikoz aurkeztutako dokumentaziorik onartuko.

DATU PERTSONALEN BABESA

DATU BABESA

Egindako eskaeretako datu pertsonalak Eskoriatzako Udalak tratatuko ditu, eskaria tramitatu ahal izateko helburuarekin.

Datu horiek udal-kudeaketarako bakarrik erabiliko dira, baina beste administrazio publiko bati edo besteren bati utzi edo jakinarazi ahal izango zaizkie 3/2018 Lege Organikoan aurreikusitako kasuetan –abenduaren 5eko 3/2018 Lege Organikoa, Datu Pertsonalak Babesteari eta Eskubide Digitalak Bermatzeari buruzkoa–.

Datuak eskuratzeko, zuzentzeko, ezeztatzeko eta horien aurka egiteko eskubidea erabil daiteke Udalaren aurrean ondorengo bideetatik:

Bertaratuta:

Eskoriatzako Udala

Fernando Eskoriatza plaza

20540 Eskoriatza

Telematikoki: Datu babesa - Eskaera-orria