Espazio publikoetan, Udalaren materialarekin edo Udalaren materialik gabe, gizarte, kultura edo kirol jarduerak egiteko baimena eskatzea

ZER DA? ZERTARAKO DA?

Espazio publikoetan, Udalaren materialarekin edo Udalaren materialik gabe, gizarte, kultura edo kirol jarduerak egiteko baimena eskatzea. Udalaren materialen artean daude, besteak beste, agertokiak, karpak edo instalazio osagarriak (ura, argindarra, hondakinentzako edukiontziak...).

OR007

NORK ESKA DEZAKE?

Herriarentzat interesgarriak diren jarduerak egiten dituen edozein elkartek edo pertsona fisikok edo bere legezko ordezkariak.

AURKEZTU BEHAR DIREN AGIRIAK

• Eskaera-orri orokorra.
• Materiala eskatzeko eskaera espezifikoa.

Hala badagokio:

• Egingo den ekitaldiaren deskripzio-proiektua, honako hauek adierazita: egin beharreko jardueren zerrenda, deskribapen zehatza, datak eta ordutegiak, eta instalazioak (karpak, ura, argia, agertokiak...).
• Erantzukizun zibileko asegurua.
• Jarduera osoaren kokapen planoa.
• Udalaz gaindiko baimenak.
• Osasun-laguntzaren ziurtagiria.
• Behin-behineko instalazioaren muntaketa-ziurtagiria.
• Autobabeserako plana (10.000 lagunetik gorako aforoetarako).
• Zaintza pribatua (700 lagunetik gorako aforoetarako).
• Ordezkaritzaren kasuan, dagokion ordezkaritza-idazkiaren bidez egiaztatzea.

NON ESKATZEN DA?

Bertaratuta:
• H@ZI
  Udaletxea
  Fernando Eskoriatza plaza 1 20540 ESKORIATZA
  08:00-14:30
  943 714 407
  

Ohiko postaz:
• Eskoriatzako Udala.
  Fernando Eskoriatza plaza 1 20540 ESKORIATZA
  

ARGIBIDE GEHIAGO:
• Kultura zerbitzua
  Udaletxea
  Fernando Eskoriatza plaza 3. solairua 20540 ESKORIATZA
  943 714 688
  

Oharra:
• Pertsona juridikoentzako oharra
  

• Telematikoki:

1. “Aurkeztu behar diren agiriak” atalean aipatzen diren eskaera orriak deskargatu eta bertako informazioa bete (PDF betegarriak dira).
2. Eskatzen den gainontzeko dokumentazioa baduzula ziurtatu.
3. Tramitazio telematikoarekin hasi, eta eskatzen duenean (“Dokumentuak” pausuan), aurreko 2 puntuetan aipatutako dokumentazioa erantsi.

KOSTUA

01 - Udal ondasunak erabiltzearen prezio publikoa.
Bafle auto-anplifikatuak	32,15 €
Eszenarioa, m2 bakoitzeko	8,42 €
Aulkiak, bakoitzeko	1,00 €
Mahaiak, bakoitzeko	6,45 €
Karpa handia	161,25 €
Suak, bakoitzeko	16,10 €
Eszenario txikia, modulu bakoitzeko	26,85 €
Karpak 10x5, bakoitzeko	61,85 €
Karpak 3x3, bakoitzeko	61,65 €

• Materiala doan lagako da irabazi-asmorik gabeko elkarteak edo pertsona fisikoak badira eta jarduera irabazi-asmorik gabeko helburu sozial bat betetzera bideratuta badago.
• Gainerako kasuetan, bide publikoa okupatzeagatik eta udal-ondasunak erabiltzeagatik ordenantza fiskaletan ezarritako zenbatekoak ordaindu beharko dira.

ERABAKITZEKO EPEA

• Aurreikusitako epea: bi aste.
• Legezko epea: hiru hilabete.
• Administrazio isiltasunaren eragina: ezespena.
  

LEGEAK ETA ARAUAK

• 44/2014 Dekretua, martxoaren 25ekoa, jolas-jarduerak eta ikuskizun publikoak burutzeko eska daitezkeen erantzukizun zibileko aseguruak arautzen dituena
• 10/2015 Legea, abenduaren 23koa, Jendaurreko Ikuskizunen eta Jolas Jarduerena.
• 17/2019 Dekretua, otsailaren 5ekoa, Jendaurreko ikuskizunak eta jolas jarduerei buruzkoa
• 8.- Udal ondasunak erabiltzeagatiko prezio publikoa arautzen duen ordenantza

ESKAERA EGIN ONDOREN JARRAITU BEHARREKO PROZEDURA

• Eskaera eta dokumentazioa begiratu, eta zuzena bada, jaso, eskaneatu, sarrera eman eta kopia zigilatua entregatzea eskatzaileari egiaztagiri gisa.
• Dagokion arlora bidali.
• Txosten teknikoa egin.
• Obrak eta Zerbitzuetara bidali materiala erreserbatzeko, eta, hala badagokio, txostena egiteko edo beharrezko baldintzak eta baliabideak jartzeko.
• Hala badagokio, Udaltzaingoari bidali jakinaren gainean egon daitezen edo txosten bat egin dezaten.
• Dagokion informazio-batzordea: erabaki-proposamena.
• Alkatetzak edo, hala badagokio, izendatutako organo eskudunak erabakia ematea.
• Interesdunari jakinaraztea.
• Tasak ordaintzea, hala badagokio.

ORGANO ERABAKITZAILEA

Alkatea

TRAMITE HONEN ARDURA DUEN ARLOA

Orokorrak - Orokorra

OHARRAK

Eskaera, gutxienez, jarduera eguna baino hilabete lehenago egin behar da.

DATU PERTSONALEN BABESA

DATU BABESA

Egindako eskaeretako datu pertsonalak Eskoriatzako Udalak tratatuko ditu, eskaria tramitatu ahal izateko helburuarekin.

Datu horiek udal-kudeaketarako bakarrik erabiliko dira, baina beste administrazio publiko bati edo besteren bati utzi edo jakinarazi ahal izango zaizkie 3/2018 Lege Organikoan aurreikusitako kasuetan –abenduaren 5eko 3/2018 Lege Organikoa, Datu Pertsonalak Babesteari eta Eskubide Digitalak Bermatzeari buruzkoa–.

Datuak eskuratzeko, zuzentzeko, ezeztatzeko eta horien aurka egiteko eskubidea erabil daiteke Udalaren aurrean ondorengo bideetatik:

Bertaratuta:

Eskoriatzako Udala

Fernando Eskoriatza plaza

20540 Eskoriatza

Telematikoki: Datu babesa - Eskaera-orria