Sarrera Erregistroa: idatzien harrera

Zer da? Zertarako da?

Eskaerak edo agiriak jaso edo bidaltzeko bide ofiziala da Sarrera eta Irteera Erregistroa. Bertan jasotzen dira udalaren aurrean aurkezten diren eta honek bidaltzen dituen idatzi guztiak. Baita ere, udalarekin hitzarmena sinatuta duten Gipuzkoako Foru Aldundiari eta Eusko Jaurlaritzari zuzendutako idatziak.

Idatziak erregistratzeko bi modu:

1. Aurrez-aurre: Ataria-Herritarren Arreta Zerbitzuan. Egun guztietan, larunbata, igande eta jaiegunetan (ikus M001 fitxa) izan ezik.
2. Internet bidez: Zerbitzu Telematikoetan sartuz. Urte guztietan, 24 orduz.

M002

Nork eska dezake?

Interesa duten guztiek edo horien ordezkariek.

Aurkeztu beharreko agiriak

• E001 Eskaera orokorra

1. Interesdunak ireki beharreko prozedura-motaren arabera, gutxieneko agiriak aurkezteko eskatuko da.
2. Eskaerak egiteko, errekurtsoak jartzeko, egintzak bertan behera uzteko eta beste pertsona ordezkatuz eskubideei uko egiteko, ordezkaritza egiaztatu beharko da.
3. Zerbitzu Telematikoetan sartzeko identifikazio sistema bat beharko duzu: sinadura digitala duen txartela (IZENPE, CAMERFIRMA, FNMT eta NAN-e) edo Andoaingo Udalak zure eskura jartzen duen B@kQ (anbulategian eta KZgunean ere eskuratu dezakezu)

Non/Nola eskatu daiteke?

Aurrez-aurre:
• ATARIA - Herritarrentzako Arreta Zerbitzua (udaletxeko beheko solairua)
  Udaletxea
  Goikoplaza z/g 20140 Andoain
  8:00 - 14:30 (Udan 8:00 - 13:30 en verano) / (Osteguna 8:00 - 15:30 Jueves)
  Tf.: 943 300 830
  

Internetez:
• Egoitza elektronikoa:

Andoaingo Udala EIS (Erregistroen interkonexio sistema) zerbitzura atxikituta dago. Zerbitzu horren bidez, udal honetan aurkeztu behar diren agiriak beste administrazio batzuetan erregistratu daitezke, modu seguruan eta legezko adostasunarekin. Beraz, erregistratu daitezke ere:

• Edozein administrazio publikoko (udalak, aldundiak, autonomia-erkidegoak, estatuko administrazioa edo mendeko erakundeak) erregistro-arloko laguntza-bulegotan, beti ere EIS sisteman badago.
• Postetxean, EBBE zerbitzuan.

Atarian aurretiko hitzordua eskatu

Ordaindu behar da?

Agiria doan jasoko da erregistroan. Dena dela, egiaztatu beharko da erregistroan jaso nahi den agiria unean bertan ordaindu beharreko zergaren edo tasaren baten eraginpean dagoen.

Izapidetze edo ebazpen epea

• Legezko gehienezko epea: Erregistroa unean bertan egingo da. Ebazteko epea desberdina izango da, eskabidearen edukia eta sorrarazten duen prozedura-motaren arabera.

Araudi aplikagarria

• Administrazio Publikoen Prozedura Administratibo Erkideari buruzko 39/2015 Legea
• Toki Araubidearen oinarriak arautzen dituen 7/1985 Legea

Eskaera jaso ondorengo urratsak

Internet bidez eskaera edo idatzi bat erregistratu dezakezu eta aurretik egindakoak kontsultatu.

Erregistroen kontsulta:

1. Eskuinean dagoen lauki urdina, Online tramitazioa hasi, sakatu.
2. Ziurtagiri elektroniko edo B@kQ bidez identifikatu.
3. Pantailan azalduko dira zure izenean dauden erregistroak (sarrera edo irteera). Erregistro bakoitzaren gainean sakatuz datu guztiak (data, ordua, zenbakia, gaia...) ikusi ahal izango dituzu, eta atxikitako agiriak deskargatu eta inprimatu.

Idatzi bat erregistratu:

1. Eskuinean dagoen lauki urdina, Online tramitazioa hasi, sakatu.
2. Eskuinean dagoen lauki urdina Idatzi berri bat alta eman, sakatu.
3. Behin orrian:

• Eskaeraren laburpen bat idatzi (220 karaktere). Eskaeraren arrazoien azalpenak eman (2000 karaktere) idatz ditzakezu ere.
• Nahi izanez gero, edozein idatzi, argazki edo marrazki atxiki dezakezu eskaerari, beti ere Mb 50 baino txikiagoa bada. Artxiboaren formatoa ez bada bateragarria, ZIP edo RAR batean bidal dezakezu.
• Eskaera berrikusi eta, lege baldintzak onartu ondoren, bideratu.

Nork onartu behar du?

Ez dagokio

Izapidetze ardura duen lansaila

ATARIA - Herritarren Arreta Zerbitzua - 943 300 830 edo ataria@andoain.eus

Beste zenbait ohar interesgarri

• Erregistro Telematiko bitartez alta emandako eskaerak Aurrez-aurreko Erregistrotik egindakoak bezala izapidetzen dira.
• Orri honetako goi aldean, eskuinean, dagoen Gipuzkoako beste udal batera joan aukeran sakatuz udalez alda dezakezula eta bertan izan ditzakezun tasa eta zergak kontsultatu.

Datu pertsonalen babesa

Fitxategiaren izena: Sarreren eta irteeren erregistroa

DBEB kodea: M07

Fitxategiaren xedea: Udalera sartzen den eta bertatik irteten den paperezko nahiz euskarri telematikoko dokumentazioaren erregistroa eta kontrola

Aurreikusitako lagapenak: Ez dira egiten

Oharra: Zure eskaeraren xedea kudeatzean, litekeena da eskaera beste fitxategi batean sartzea.

Sinatzaileak bere datu pertsonalak tratatzeko baimena ematen du eta, eta aurreikusita egonez gero, baita lagatzeko ere.

Interesdunak datuetara sartzeko, horiek zuzentzeko eta deuseztatzeko eta horien aurka egiteko eskubidea baliatu dezake Udalaren aurrean.

Informazio gehiago: LOPD